سلسة كيف تحمى نفسك من الشمس الجزء الاول

  سلسة كيف تحمى نفسك من الشمس  

 

علشان موضوع ضربة الشمس او Heat Stroke Or Sun stroke 
درجة حرارة الجسم الداخلية 37 ْ على مدار اليوم بتتراوح بين 36.6-37.7 C
حسب مركز السيطرة على الامراض CDC ان ضربة الشمس بتيجى لما توصل درجة حرارة جسمك ل40C او 39 تقريبا

الى بيحصل ان جسمك بيتعرق بمقدر 2 لتر فى البيئة الحارة كل ساعة تقريبا، علشان كدا لازم كمية المياه الى فى جسمك تكون اكبر من كمية العرق، بس المشكلة ان الاجهزة الخاصة بالعطش عندنا مش حساسة اوى، فبتقولك متأخر انك عاوز تشرب وممكن يكون فات الأوان، معظم الحرارة الى جسمنا بتتولد عن طريقة عملية الايض والاحتكاك والعضلات والاجهزة الحيوية ومعاهم المخ، لما درجة الحرارة بتزيد عن 38c دى بنسميها " Hyperthermia " 
فى 3 طرق بنتخلص بهم من حرارة الجسم الداخلية الاشعاع والتوصيل والتبخر
التبخر تقريبا بيمثل 22% من التخلص من الحرارة الداخلية، التبخر الى هو العرق ودى الحاجه الكويسة، بس الى مش كويسة زى ماقولنا ان كمية المياه جوا تبقى ااقل.

اول مايصبح الجسم جاف، عمليات التبريد فى الجسم ماتشتغلش كويس، ومش هتبرد نفسها بالعرق لان حصل فيها زى عطل، ودا بيأثر على الاجهزة الحيوية فى الجسم وعلى الدماغ وممكن تسبب له سكته، ولو ماسببتش سكتة هيحتاج شهور او سنة علشان يتعافى والاجهزة الحيوية ترجع لطبيعتها تانى.

الى بيكون داخل على ضربة شمس بيحس بدوخة مغص وغثيان وتشنج فى العضلات صداع وضعف

واول ماتبدأ بيحصل للشخص دا زى هلوسة سلوك غريب وأوهام وممكن يدخل فى غيبوبة 
ايه الى ممكن تعمله انك تاخده فى مكان درجة حرارته أأقل خفف هدومه بسرعة هات مايه سقعه وحطها على جسمه ولو فى قمشة مبللة كدا اعملها زى كمدات، وممكن تعمل له كمدات تلج على راسه ورقبته والابطين واسفل الظهر
 """" اوعى تشربه اى سوائل"""" 

طيب ازاى نحمى نفسنا من موضوع ضربة الشمس دا 

الموضوع بسيط اشرب مياه كتير، ماتخرجش فى الاماكن الى درجة حرارتها عالية، ماتعملشى تمارين رياضية او جرى فى الاماكن الحره، خلى جسمك بارد بالاستحمام، ماتلبسش ملابس تقيله اوى.
""""ماتخرجوش ولادكم فى عربية مافيهاش تكيف"""""" وحاولوا تبردوا العربية وتسيبوا التكيف شغال شوية قبل مايركبوا

الناس الى بتموت من الحرارة سنويا حوالى 0.42 من اجمالى الوفيات فى العالم

ننصحك بقراءه:-

 سلسه كيف تحمى نفسك من الشمس الجزء الثانى