ماسك لتفتيح البشرة

ماسك لتفتيح البشرة

ازيكم يا احلى بنوتات 
                           جيبالكم ماسك تفتيح للبشرة مضمون عن تجربة والله......

     

                                                             ومن بعد سواد السواد من الشمس الحارقة  طبعا

لنضارة و تفتيح بفضل الله من اول مرة بيبان النتيجة...... 

اول حاجة لازم قبل ما نبتدى اى ماسك لازم نعمل صنفرة للبشرة بيفرق جامد طبعا بيشيل الجلد الميت من البشرة ......

  وهو عبارة عن ........

                      1. معلقتين سكر
               2. معلقة زيت زتون 
                3. نقطتين لمون
                        
ودول نحطهم على بعض و نفرك بية وشنا  با ايدنا بطريقة دائراية 
                           و بعد ما هتخلصوا هتحسوا بفرق رهيب بعد الصنفرة 

تانى حاجة بقا احط كريم مرطب للبشرة اى كريم تحبية و اسيبو شوسة و بعدها 
                           طبعا تلت تربع البيوت المصرية معندهاش جهاز البخار
بس الجيش قال اتصرف بقااا
                                  هنجيب حلة كبيرة و نحطها على البوتجاز و اما تسخن و تبتدى تطلع بخار نقرب وشنا ليها عشان المسام تتفح 
                                 بس اوعواااا تتحرقوااا الله يخليكم
و لا من قريب اوى و لا من بعيد اوى يعنى *__
وبعدها بقا هنكون مجهزين الماسك ....

المكونات

1. بطاطسية صغيرة 
2. نص لمونة
3. شوية لبن 

  الطريقة

ههرس البطاطسية و احط عليها شوية لبن مع نقطتين لمون
و اضربهم حامد فى بعض 
بعدها افردة على وشى كلة و افضل سيباة لحد ما ينشف و البشرة تشربة 
و بعدها اغسل وشى بماية فاترة و لا منها سخنة اوى و لا ساقعة اوى يعنى 
                       و بعدها اجيب تلجاية صفيرة و امشيها على وشى عشان المسام ترجع تقفل تانى
                      و خلصنا اخيرااااااااااااااا بقا
بس اخر حاجة لو عندك ماية بورد جيبى قطنة و بليها بماية الورد و امسحى بية وشك 
                          و تقولولى بقا على النتيجةةةة يا احلى بنات :*