أهلا بيكم حبيباتي فالله
فالبداية أحب اقدملكم نفسي
رضوي غانم
بأمر الله هنطرح مواضيع كتير قوي من خلال المدونة هنا
عشان الكل يستفيد معانا
وربنا يجعله في ميزان حسناتنا جميعا
هنتكلم انهاردة عن موضوع منتشر جدا جدا اليومين دول وللأسف ناس كتير مش بقت بتاخد بالها من الحرمانية
وللأسف الاكبر الاهالي كمان بقوا بيقبلوا بصدر رحب عادي
وهي موضة اللبس العجيبة
مرة استريتش والله لو لبسة ملابس داخلي من دونه يبقي اكرم
وغيره وغيره وفالنهاية تلاقي طرحة فالراس
بس الحكاية مش حتة قماشة علي الراس
ولا الحكاية اننا نتزمت في حياتنا
ولا حتي ندي فرصة لضعاف الدين يفقدوا ما تبقي من دينهم وينصروا دعوة خلع الحجاب
يا بناتنا انتبهوا علي المدخلات الغربية
العقل يميز
وبالعقل نتكلم دلوقتي الحجاب ده من اسمه بيحجب عن شئ وفالمعني يعني بيحجبني ويبعدني عن شئ جايز يضرني
هو ربنا لما قال ان أكل لحم الخنزير حرام مش ثبت علميا بعدها ان زي ما ليه منفعة ليه ضرر اكبر من منفعته
طيب ولما رسول الله صلي الله عليه وسلم وصانا علي شرب الماء علي ثلاث مراحل مش تم الاكتشاف علميا ان الجسم لو استقبل كمية مية مرة وحدة هيضر بالكلي ضرر بالغ وبالتالي يفضل الشرب علي مراحل حتي تتهيأ الكلي للمية
اشمعني بقي لما فرض ربنا الحجاب اعترضتم
طيب الزي الاسلام المفروض علينا ايه لا يشف ولا يصف ما خلفه
طيب بذمتكم البنات اياها دي وانا مش بشكك في اخلاقها ولا كونها محترمة او غير انما انا بتكلم فقط علي اللبس
بذمتكم اللبس ده لا يصف ما خلف ولا يشف
والاهالي اصلا ازاي تقبل تطلع بناتها بالكل ده
يا بنات عفوا نفسيكم والله العريس بيجي علي حسن الاخلاق والالتزام مش كتر الخلع والشخلعة والاستهتار بالزي الاسلامي
اخيرا عارفة ان ناس كتير هتعترض علي الموضوع ده وتقول دي حرية شخصية
والرد مقدما الحرية حرية لما مش تإذي بيها غيرك انما انتي بتسيئ للاسلام ولبنات المسلمين وكمان بتشدي الشباب للشهوة والمعصية فاتقي الله اختي والايام دي ما كتر من موتي الشباب ضمنة انتي عمرك؟
عيزة تقابلي ربنا ازاي بقي يا تري
والحساب يكون شكله ايه
كلنا بنغلط بس الكويس فينا اللي بيحاول يتصلح
كل بني آدم خطاء وخير الخطاءون التوابين
هستني رايكم علي الموضوع واتمني ينال اعجابكم
انتظروني في مقال جديد عن مواضيع جديدة ومتنوعة
0 التعليقات: