يعني ايه ستروبنج ؟

موضوع النهاردة يا بنات (باي باي كونتور هالو ستروبنج )

١- يعني ايه ستروبنج ؟ 

ال ‫ ستروبنق‬ او ستروبنك‬ او ‏ستروبنج‬ تعدد المصطلحات والمعنى 

واحــــد

ستروبنج = مصطلح جديد عامل صرعة في عالم المكياج و بمعنى 

اسهل اضاءة من غير استخدام الكنتور فقط الهايلايت (هايلايت فقط 

بدون كونتور) .

٢- ايه الميزة اللي بيضيفها للوجه ؟

طبعا مناسبه الصيف و جونا الحر و وشنا برضه اللي بينقصه النضاره 

ظهرت تقنيه الستروبنج بحيث انها تدي نضاره للوجه

٣- يعني نحط اضاءة / هايلايت بدون كونتور ؟؟

ايووووووة هي هي اماكن الاضاءه المعروفه بدون كونتوور نهائي 

زياده عليها انك هتحطي اضاءه فوق قمه الحاجب اللي هي قبه 

الحاجب .

٤- طيب انا لازم استخدم كونتور عشان اظبط الملامح و اخفي 

التفاصيل اللي مش بحبها ف وشي ،، اعمل ايه دلوقتي ؟؟

لو جربتي تحطي الاضاءه ع الاماكن اللي بتحبي تبرزيها ف وشك 

كالعاده هتلاقيها خطفت نظر اللي قدامك عليها و مش هيكون مركز 

ع الاماكن اللي اتعودتي تحطي عليها كونتور زي بالظبط كده عندك 

فستان قديم وعايزة تجددى هتضيفى عليه اكسسورى عشان 

 تلفت للانتباه اكتر له

الستروبنج هيديكي لوك فريش و كله نضاره و حيويه و كمان هيوفر 

معاكي في الامكانيات و الوقت

 ( دارج جدا في هوليود)

العيوب اللى لازم تجنبها مع الستروبنج هو فى عيوب ايوه 

طبعا ؟؟؟

انك تحطى على مكان فى (مسامات واسعه او جرح ) فهيبينها 

ويوضحها جدا وبالتالى كده هيظهر الوحش مش الحلو

بنات هتقولى الطريقه ازاى يلا تعالى اقولك :

حطى البرايمر وفى منهم برايمر مضىء او بيعالج الشحوب وبيدى 

 ضى وزعي الفاونديشن ع كامل الوجه 

 
لا تحطي لا برونزر ولا تعملى كونتور ابدا

جيبي الاضاءه 

 
الهايلايتر 

و وزعيها ع عظمه الخد 

الانف عند اخر جسر الانف بتدى شكل انف مرفوعه ومنظمه 

فوق الشفه العليا 

ع الذقن

فوق الحاجب

تحت الحاجب 

بوسط الجبهه 

و بعدها حطي بلشر خفيف ع خدودك و خلاص كده خلاصنا